TUWING GABI

TUWING GABI

(an ode to the emo)

ni Hedel A. Cruz

Saan Ba Nagsimula ang Terminong “EMO”

waring ito sa mga emotero’t emoterang tulad mo at ko

O sa damdaming pilit nagpupumiglas

Sa kalalaliman ng Gabi ilabas ang Patalim

Sila ba ang mga nilalang

na sa damdamin ay pumapailalang

Ang simbuyo at adhikang di makita

Sarado ang mga mata bunsod ng Luha

Sino ba ang Emotero?

Ang mga taong sawi o ang mga pighati

Na sa damdamin inilalabas, humahati

O ang talipandas na luhang sa mata ay tumatakas

Ilabas ang mga blade

Rubie gillette man o Dorco

Ipinta ang dugo sa dingding

O sa harap ng salamin

Sino ba ang walang damdamin

Yari bang ilambitin sa baging

Ang leeg na sandalang pigtasin

Hininga sa ilalim ng Hangin

Sila ba ang waring pinagiwanan

Sa dulo ng mundo nagugulumihanan

O sadyang isang kabalintunaan

Turing sa kanila’y katatawanan

Emotero’t emoterang palaging nakaitim

May eyebugs pa at mahirap arukin

Dagdagan pa ng eyeliner ni ate o ina

Pighati sa bawat nilikha

Hindi bat bawat isa’y may damdamin

Hindi lang ang mga ato sa dilim

Ilabasman tunay na hangarin

Paglinap ay kay dulas parin

Credits to Google Image Search. No Copyright Infringement Intended

Buffet

Buffet

ni Hedel A. Cruz

Ang Love Parang Handaan

Tulad ng isang Buffet

Matatakam ka sa bawat pagkaing

nakalatag sa Iyo.

Dahil gutom ka mapusok at Hangal

Pilit mong titikman

ang Lahat.

Sa Huli, Kapag masakit na ang sikmura.

Saka mo malalaman na hindi sa dami 
at pagpapalipat lipat nagmumula at mahahanap ang kasiyahan.

Kung hindi sa nagiisang Putahe na Paborito.

Hindi Tubig o Kremil-S

ang sagot sa hyperacidity o Impacho.

Kundi ang pagnanais na Makuntento.

OO nga at nakakasawa ang paulit ulit at paborito.

Pero sa huli, ito parin ang mamahalin at

babalik balikan mo.

Wag mong hanapin sa iba ang Ligaya.

Dahil ang saya hindi hinahanap kung

saan saan lang.

Dahil madalas nasa iyo na.

Nasilaw ka lang sa amoy at lasa ng iba.

Nasilaw ka sa paghahanap ng kung ano 

ang wala sa Kanya.


Credits To Google Image Search. No Copyright Infringement Intended

Ginahasa

GINAHASA

Ilang beses man akong magpalit

Ng aking damit

Hindi na maalis itong kumapit

Amoy dusa at pighating

Unti unting gumuguhit

Sa bawat ugat ng daluyang

Kusang bumubulwak ng dugo

Sa bawat pagsirit

Pinipinta sa salamin

Ang bawat pasakit, naka-ukit

Ang Kasaysayanag umuulit

Tila ba hindi na nagsawa

Sa paglapit

Na para bang gamu-gamo

Makulit, sa apoy kusang lumapit

Ilang beses na bang narinig

O nasaiisip

Na ang problema at sakit

Ay walang paglagyan sa

Sistemang malupit

Kundi sa mga taong utak ay pili-pilipit

Tulad ng Labadang 

Binanlawan.

Kailangan Pigain

Upang timbang ay gumaan

At patuyuin.

Wag mong sabihing sa akin

Na iyong hihintayin

Na ang katas ng diwa, pagod at pagsisikap

Ay itatapon sa imburnal

Tutungo, dideretso sa ilog

Sa dagat o kung saan man lupalop.

Pero ang amoy ng kataksilan,

Sa balat nakakapit at di maibabaon.

Ilang beses mo na bang kinanta

Lupang hinirang o Bayang Magiliw pa.

Paulit-ulit na mula kinder hanggang grade 1.

Elementarya hanggang Hayskul. Sa Kolehiyo.

Tuwing manonood ng sine.

O may laban ang idolo mong Boksingero.

Pero diba tila parang mga titik nalang

Na walang laman. Parang dasal na inuusal usal

Wala namang pinagmumulan.Para bang nagnonobena

Paulit ulit hindi namanAlam kung sino ang santo 
o santang pinagdarasalan.

Panata, pana-panata. 

Puro ka panata.

Hindi naman makabayan.

Makabayan mang ituring

Pag nagkagipitan na Itatakwil

Ang lupang sinilangan

Tignan mo lumpasak at bagsak

Sa Burak.

At tila nangaasar tatawa pa.

Kunyari Mayaman ka.

OO mayaman ka. Mayaman ka sa kwento.

Pero wala naman Kwenta.

Saan ba? Nasaan ka?

Naubos na ba?

Ang mga Dakila?




Credits To Google Image Search. No Copyright Infringement Intended

Kwentong Kalsada 3

Ang Kalsada at Ukay Ukay
sinulat taong 2009

Ilang beses na akong nagigising sa Bus.
Nakanganga at tumutulo laway..
Hindi ko alam kung napapansin ng katabi ko..
Langya.... dyahe. Umagang umaga...
Tapos naka longsleeves at kurbata pa..
buti nalang hindi babae katabi ko.
At mukhang hindi naman nila napansin
dahil tulog din sila.

Mahaba ng ayala. Saka ang Edsa
Minsan napapgtripan kong makipag-sapalaran
sa mga halimaw ng mrt. sa hapon.
No choice.Mrt talaga ako.

(mangmang kasi ako nuon at di pa natutuklasan ang Shuttle service) ok lang... hapon nanaman.at madami ako kasabay.

sumuweldo na ako.ang dami ko nabiling longslibs
sa ukay ukay.nasa 15 na longslibs ko.
ayus.mga 5 na necktie

100 - 150 lang.
sa mall aabot ng 500 hanggang libo
sana wala akong makasabay na kuripot ding katulad ko
na ukay din ang shopping place
lalo na sa cubao... makapag bambang nga..
okaya baguio, mas madami ata dun eh

ewan.. practicality ba tawag dun?
maayos naman yung mga nabili ko.
gwapo naman ako kahit papaano.
nakikipagsabayan sa mga de tatak na longslibs ng makati.
wala naman nakakahalata.

at paki ko kung meron.
mas cute padin naman ako sa kanila.
hindi ko lang talaga maintindihan kung
bakit naka kurbata sa mainit na bansa
kelangan todo pustura. kapag may necktie dapat
naka balat na sapatos.
Gayong sa mga bansang nagpauso ng longslibs at
necktie, eh sakto at pwede namang naka-rubbershoes ka
ewan ko ba sa pinoy. baduy para sa kanila yun.
mali ata ang pagintindi nila sa longslibs at necktie

sa totoo lang. sa ibang bansa
iba ang everyday longslibs at tie na pwedeng ipares sa rubbershoes kumpara sa mga todo kung pormang suit
na naayon sa mga okasyong pormal
sa ibang bansa, kahit naka longslibs at may coat pa ang uniform ng mga estudyante, mas ok kung naka rubber since mas comfortable ito.. (kaya hindi uso bike sa pinas)
pero sa pinas pag longslibs dapat naka leather
buti sana kung maayos kalsada
at mga sidewalk sa Pinas
kaso hinde eh...

inaantok na ako madalas. nakakatulog din ako problema nga lang
hindi sa gabi at sa bahay. kundi sa trabaho,sa bus, sa jip, sa mrt
(pwede ka matulog ng nakatayo hindi ka babagsak pramis) ahhhh. basta.....

Credits to Google Image Search. No Copyright Infringement Intended

Kwentong Kalsada 2

Ang Mahabang Ahas sa Gitna ng EDSA at Ang Balbas saradong Sipulero
(sinulat taong 2009)

Isang linggo pa lang ako sa trabaho pakiramdam ko ay kailangan ko nang bumili ng bagong sapatos.

Malapit nang mapudpod si blacky. 

Si rubber naman bihirang gamitin dahil di swak sa polo at pantalong itim.

Ewan ko ba bakit sa init ng panahon

Kelangan may kwelyo ang suot ko.

Di naman siguro mababawasan ang kalidad ng trabaho at utak ko sa pagsuot ng walang kwelyo.

Ok narin naman at atleast hindi ako tulad nung Presidente ng kumpanya na naka amerikana pa. sabagay mas malamig sa opisina nya

Pero siguro ganun talaga pag taong AYALA ka. Kung ano ang nakikita dapat gumaya. Eh pasaway talaga ako. Kaya maong at rubber... Bahala kayo Marami kang makikita sa AYALA. Puro matas sa building. Masakit sa leeg. Pero ayun narin. dahil sa taas nila di masyado mainit. Masakit sa panga ang gumising ng maaga. Lalo na kapag masarap ang tulog at ako ay naglalaway pa. Alas otso y medya dapat naka-in ka na. Maaga ako. minsan sobra...

Mahirap umuwe. Lalo na pag Amazing Race Edition na sa kalsada. Minsang sumakay ako ng BUS. Matapos hintayin ang klasmeyt ko sa kolehiyo na si Kalbo sa PLDT. Alas nwebe na nasa Ortigas pa lang ako. Badtrip si manong. Akala yata parking space ang Loading at Unloading area. Gutom na ako. Buti nalng may mani si manong. At si ate may ITLOG na tinda. Kaya ayaw ko nang mag-BUS kasi pakiramdam ko nakasakay ako sa Karo ng Patay. Pag MRT/LRT naman para lang nag-trip to jerusalem. Pero MRT parin ako. MRT always na ko. Pero badtrip talaga ata sakin ang Ahas sa EDSa. Dumagdag pa si Manong.

Ang hirap sumakay ng AHAS kapag gabi. 

Madami tao.Madami pila.

Madami ding Atribida.

Hindi mawawalan ng sigaw sa loob ng ahas.

ARAY. PAA ko....Wag kayong manulak.....

SHET...... Ang INEeeeet..........

Ekskyusmi.....Ilan lang yan sa maririnig mo....

Isama mo pa ang mga malulutong na Mura ng matanda sa dulo

Ang pinaka ayaw ko sa AHAS eh sobrang sikip.

Buti pa ng sardinas. May sabaw.

Ang Ahas sa EDSA. MAy alingasaw.

Sobrang sikip. Daig nyo pa ang nagretreat at nag camping

Kung saaan mang bundok o resort sa sobrang bonding.

YUn ata ang tinatawag na Filipino Values.

Pagiging malapit sa isat isa. Sobra.

Kapag sumakay ka ng AYALA. Asahan mo nang maiipit ka... swerte sa female area. Malas sa Male. Lalo na kung babae ka. Ipit ka na. may libre hipo pa. Buti nalang mabait ako. Pero minsan naisip ko mnagdala ng wig at damit pang-babae. O kaya magdala ng saklay.

Madalas sumakay ako sa AYALA Station. Sobrang sikip. Sobrang malas pa. Masikip na nga. Meron pang bida bida.Halos magkadikit na ang mga mukha at pisngi ng bawat tao.sa sobrang sikip. Kahit himatayin ka. Mananatili kang nakatayo. Pwede ka ding matulog ng nakatayo. Hindi ka babagsak.

Bumalik taayo sa Bida bida. Badtrip si MAnong. Masikip na nga. Magkakalapit ang mga mukha.. Aba, very excited pa. Masyadong musically inclined. Kung sumipol kala mo wala nang bukas. Alam lahat ng kanta sa lahat ng telenovela. Ezperanza, Mara Clara, Pangako Sa iyo. Sinisipol nya...At eto ang asteeg... Kumpleto to pa. May second voice pa sa sipol nya sa chorus. Ang Problema. Masikip ang mundo. Kapag sumipol pa sya... Haharap pa sa mukha ko.

BUTI SANA KUNG BAGONG TOOTHBRUSH SYA. KASO HINDI... ANG SAYA SA AYALA.

Credits to Google Images Search No Copyright Infringement Intended

Gusto Mo Bang Sumikat?

Sa panahon ngayon ang daming bagay ang pwedeng gawin para sumikat. Ang dami ding dahilan para maging sikat. Gustong magka-Pera, Kapangyarihan, Matulungan si Inay at Itay, Magpatayo ng Bahay. atbp. Ikaw hanggang saan ang kaya mong gawin para sumikat? Panuorin ang WOTL (Word of the Lourd Video) na ito

WOTL: 15 Minutes of Fame. Property of TV5

No Copyright Infringement Intended

Kung Curious Kayo Kung Ano ang 2Girls 1Cup. Advice ko ay STAY CURIOUS and DON'T Watch the Video. Pero kung hindi nyo mapigilan ang sarili nyo, eto ang link. Pero ako na nagsasabi sa inyo.. It's Very Disturbing.

Link: 2 Girls 1 Cup

Kwentong Kalsada

Ang Pakikipagbaka sa Dambuhalang Pagong ng EDSA

Sino bang hindi nakakaalam sa EDSA. Syempre lahat tayo alam yun. Yun ang kalsada na nagkokonekta sa maraming Syudad sa NCR. Mula Mall of Asia, Hanggang sa SM North. Lampas lampas pa. Diba, ang saya. Mula Pasay, MAkati, Mandaluyong, Pasig Hanggang Quezon City. Asteeeeeg. 


Ang EDSA na marahil ang isa sa pinaka sikat na kalsada sa Bansa, (maliban sa Mendiola, Recto at Balete Drive) Tinawag dating Highway-54. ang EDSA ay lugar ng ibat ibang tao. Ibat ibang mundo. Nakakatuwang isipin na bukod sa pagiging kalsada ito ay sumisimbolo rin ng Pagiging MAKABAYAN. Sino nga ba naman ang makakalimot ng People Power?


Pero hindi yan ang topic ko ngayon. Ang EDSA ay Napakahaba at magandang Kalsada. Na Tuwing 7 Am - 9 am ay nagiging malaking Parking Space. At 5pm - 8 pm ay nagiging malaking Kalokohan. Hehehe


ETO NA TALAGA TOPIC KO.


" SAMPUNG BAGAY NA AYAW KONG MANGYARI PERO NANGYARI SAKIN SA PAKIKIPAGSAPALARAN SA DAMBUHALANG PAGONG NG EDSA-------------- ANG MAKAPANGYARIHANG BUS"

10. Makipagsiksikan sa Pagsakay 
(Kasama na riyan ang pagtalon sa bakod, pagtakbo at pakikipagtulakan)


9. Ma- OUT of BALANCE (mali hakbang ko, ayun swak ang mukha sa hagdan)


8. Maupuan ang isang Bubble GUM 
(AMF Badtrip yun lalo na pag ayaw matanggal isang linggo kong sinabon yung pantalon para matanggal, isang linggo ding may speaker ang bibig ni INAY, kaka-sermon)


7. Maapakan ang iniwang souvenier ni muning sa ilalim ng upuan 
( langyang pusa yan pati sa bus tumatae)


6. Marinig ang walang kamatayang hinagpos ng mga boses nila Mamang Tindero at Aleng Tagalako. (Pero in fairness, Masarap talaga ang MANI ni KUYA, at ang ITLOG ni ATE)


5. Lumampas ng BABABAAN. (Marathon Galore nanaman)


4. Makatabi ang Isang Aleng mataba at Manong na Dambuhala. Tapos ako yung nasa gitna.


3. Makasakay ang isang Ina o Ama na kasama si bunso, na wala na yatang ibang hobby kundi umiyak. (sobrang tinis pa ng boses, wasak ang eardrums)


2.May madadaldal na tsismosa sa likuran. Naka loud speaker pa.


1. Makatabi ang kamag anak ni sleeping beauty. 
(Tutulugan ka na sa Balikat, LALAWAYAN KA PA)


Credits to Google Image Search. No Copyright Infringement Intended

How I Want to Meet your Mother

How I Want to Meet your Mother

(kung paano ko gustong makilala ang magiging nanay mo, anak)

Alam ko alam nyo yung series na ito. Kung hindi pa, kawawa naman kayo. Season 6 na po, dami nyo na namiss. Pero hindi ako si Ted Mosby. Baka si Barney Pwede pa. hehe. Pero seriously, gusto ko din ikuwento sa mga magiging anak ko kung paano ko nakilala ang kanilang Ina. Na umabot na ng season six, wala parin ako idea kung sino talaga ang may ari ng Yellow Umbrella. Pero habang hindi pa ako kinakasal at wala pa yatang taong nasa matinong isipan ang papayag. Sana eto.. eto.. 

To my Future Kids: Anak, (kung sakaling magkaka-anak man ako). Kung mababasa mo ito. Ikaw na bahala magpasensya sa akin kung kukulitin kita sa pagkwento kung paano ko nakilala ang nanay mo. Hindi sa idol ko si Ted Mosby. Kundi nangangarap ako na makita mo din ang taong nararapat sa iyo. Ang magmamahal sayo ng lubos. Gaya ng pagmamahal ng iyong Ina sa akin.

HOW I WANT TO MEET YOUR MOTHER.

Yung makaksabay sa trip ko tulad: 

- Pagsigaw sa ibabaw ng bubong 
- Maligo sa sapa na puno ng dikya, 
- Magbabad sa hot spring habang kumakain ng Ice cream......ggg
- Magbike pababa ng burol
- Maligo sa ulan
- Humiga sa damuhan habang nakatingin sa tala
- sumabay sa kanta ni Ric Manrique Jr.
- sumayaw ng folk dance
- alam ang ibig sabihin ng chorva
- siga maglakad pero malambing
- magwalis ng dahong mangga
- umakyat sa puno
- kumain ng bagoong with ketchup
- magaling magluto ng adobo
- magjogging sa gabi
- umiinom ng gatas
- nagbabasa ng libro
- upadated sa news
- mabait
- disiplina
- kaya akong bugbugin pero hindi nya gagawin
- alam magalit at may paninindigan
- masipag
- at chorva!!!!


Credits to Google Images Search No Copyright Infringement Intended

Huling Buga

Huling Buga

Ilang beses ko na bang sinabi

Na hinding hindi na magyoyosi

Tila sindami na ulan noong Hunyo

Pero bakit ganito wala pang pinagbago.

Sadya bang nakakaadik

Ang nikotin sa gilagid at ngala-ngala?

O sadya lang makulit at pasaway

Ang aking paglapit?

Sa yosing siyang sumagip

Sa damdaming alumpihit

Mula ng madurog ang pusong nakakapit

Sa sumpaang sa tadhana ay sumabit

Mula nang ikaw ay lumisan

Sa bisyo ako ay nakipisan

Kasama sa magdamagan

Nang sakit ay mabawasan

Pero ngayong kaya ko na.

Bakit ang bisyo di na maisara?

Sadya bang nasanay na?

O dahil hinihintay ka pa?


Credits to Google Images Search No Copyright Infringement Intended

Ang Buhay Parang Pelikula

Ang Buhay Parang Pelikula

ST. Bomba. Bold. Marahil naabutan nyo ang mga ito.

Hindi nyo man aminin, nakapanuod na kayo nito sa sinehan.(maliban nalang sa mga bagong henerasyon ngayon, na hindi na inabutan ang pamamayagpag ng Bold/ Sexy Film noon at naranasang panoorin ito on big screen. Malas nyo.. Iba pag sa sine... Maganda grapics.. haha). Sikat ito noon, pero mula nang ayaw naang ipalabas ng SM Cinema sa kanilang mga sinehan ang mga R-18 films. Humina ito. Pero Hindi Nawala.. (Madami parin sa Recto at cubao, double feature pa) Gayunpaman hindi ako naniniwalang inosente na ang mga kabataan sa mga ganito, lalo na at easy access na ang mga porn sites sa web. malamang din sa DVD galing Quiapo sila nanonood ngayon. 

Naisip ko lang Kung gagawing isang Pelikula ang Sex life ng bawat tao...

Ano kaya ang pinakamagandang pamagat para dito?

Ikaw may naisip ka ba para sa Sex Life mo?

ETo ang ilan na naisip ko.

10. Sagad Hanggang Buto.

9. Isang Kayod Isang Buga.

8. Sampalok: MAy Asim Pa.

7. Boy Aligaga: Labas Masok

6. Mapalad Kay Maria

5. Aararuhin ko ang bukid mo..

4. Slippery when wet.

3. The Fast and the Pawis

2. Lagot ka kay Ama

1. Malayo pa ang sibat, Nakabuka na ang Sugat...

Kaso mukhang lagot tayo sa MTRCB nito.

Magagalit si Laguardia. (Yung anak na pala ni Da King bagong Chairwoman) Hindi narin sisikat ang mga ganito bawal na sa SM eh.

Kayo anong suggestion Nyo?




Credits to Google Image Search No Copyright Infringement Intended

Nakatikim ka naba ng "BATANG"?

Traditional Cooking of Batang
(Awesome Filipino Dish and Tradition)

Babala: Ang bidyong inyong matutunghayan ay hindi para sa mga mahihina ang kalooban (o kaya laman loob) Bawal ang sumuka!! sayang iyang keyboard/laptop mo. 

Video from BahayKwentista

Ang tagpong ito ay aking natunghayan noong pumanaw ang aking mahal na lola, sumalangit nawa, love you po. (Karaniwan kapag may pumanaw, kinakasal o Holiday Season) Hindi ko na binidyohan kung panu pinatay ang native pig na ito. Ang tawag sa tradisyunal na lutong ito ay "Batang".

Una, syempre kelangan deds na yung baboy.

Tapos susunugin para mawala ang mga balahibo para magkaroon ng sinasabing kakaiba at distinct taste..

Syempre kelangan hati hatiin ang pork.

At ayan na ang mga pork. OO nasa lupa ito sa ibabaw ng mga dahon.
Malinis yan, wag ka magalala.

 Tapos mapag-pirapiraso ang mga laman. Kasama ang mga lamang-loob ay sabay sabay itong pakukuluan sa isang malaking kawa/kawali/kaserola o kung anu mang tawag doon..

Ito ang nagbibigay ng kakaibang lasa sa luto. walang rekado, walang asin. Talagang pagpapakulo lang ng matagal ang kailangan.. kapag naluto na, bahala ka na sa seasoning. Ang kakaiba dito yung sabaw. Kahit walang rekado.. Iba ang lasa.. MASARAP..

Ayun din sa tradisyon, kailangan mailibing ang pumanaw sa loob ng 3 araw. Kanya kanya ang toka sa pagkatay ng baboy, paglutom pagbigay ng pagkain, pagkanta sa namayapa atbp.

Ang mga baboy na pinatay at inihanda ay ibinigay ng mga kapitbahay, kaibigan, kamag-anak. kahit ang mga biskwit at kape. pati bigas. na siya naman pinagsasaluhan ng bawat isa. LAHAT INVITED sa mga ganitong okasyon.


Kanya kanyang kain. mayat maya ang dating ng mga ilulutong baboy at ilan pang pagkain. mayat maya din ang dating ng mga tao mula pa sa ibat ibang dako ng probinsya at baryo. Humigit kumulang mga 1 libo katao ang nakita kong dumalo. ang ilan sa sapa o katawan na ng puno ng saging ang ginawang plato..

Dito mo makikita ang pag-kakaisa ng bawat isa..


 Sa okasyong ito kung saan may pumanaw, ang coffin o ang kabaong ay gawa sa Kahoy. at ang libingan ay naayon kung saan gusto ng pumanaw. Sa ilang pagkaataon, mas gusto nila sa itaas sa kabundukan. Ang ilan sa gitna ng palayan.. At may nakita nadin ako sa labas lang ng kanilang mga bahay.. Akala ko nga lamesa eh..

Ang mga ulo ng baboy ay ibinabalik bilang pagtanaw ng pasasalamat sa mga nagbigay nito.

All Pictures from Hedel Cruz

Mga Tulang walang Tugma, Mga Akdang Walang Haba

MGA TULANG WALANG TUGMA
MGA AKDANG WALANG HABA
(Koleksyon ng tula mula sa Bahay Kwentista)




Sawa at Hawa

ni Hedel Cruz

Kung sawa ka na sa buhay mo

At gusto mo na itong wakasan

Punta ka muna sa sementeryo

Saka mo sabihin yan sa mga

mga taong namatay

Dahil sa sakit, aksidente

at sa mga taong gusto pang mabuhay.

kung hindi lang

pinigilan ng tadhanang magpatuloy

--------------------------------------------------

EKIS

ni Hedel A. Cruz

Tinuklap ng Gabi

Ang Bawat Mata na Nakamasid

Sa Kailalaiman ng Nagaalimpuyong 

Damdamin

Tila Hila ng Kaba

Ang Bawat Sandali

Sa loob ng Mundo

Hindi na maipapasubali

O Pag-Ibig saan nga ba

Nagtatapos?

Sa Dulo ng Mundo

Pagitan ay Hulagpos.

--------------------------------------------------

BLANKO

 ni Hedel A. Cruz

Hindi ka ba Nagtataka?

Kung Bakit hanggang ngayon Nakikibaka

Ang Puso kong siguradong 

walang Pag-asa

Napapagal kapos ang hininga

Sa tuwing Kapiling Ang Alaala

Tanda mo Ba?

Nung Sinabi mo sa akin

Na tigil ka na.

Ang paglalakbay ng Paa.

Kasama ang diwa puso at kaluluwa.

Lahat Huminto tulad ng

Pag-agos ng progreso

Ng Bayang walang pagdaloy

Tungo sa Liwanag.

Unti-unting Dumilim.

Hindi ko rin Inaasahan

walang lubos pag-aakala

na ang simpleng paghanga

ay Tuloy-tuloy

dirediretso sa puno hanggang dulo

Sapul. Wasak. Tagos.

Tuliro.

--------------------------------------------------

ANINO

Ni Hedel A. Cruz

Ang paghikab lang ang pumupunit

Sa katahimikan ng gai

Pilition mang tuluyang humimbing

Bakit kaya kay hirap itulog ang

Sakit ng puso na unti-unting

Pumapatay sa liwanag ng magdamag.

Ilang beses na bang sinampal ang sarili

At sinabing kakayanin ang mga araw at sandali

Na ito ay parang hanging dadaan

Sa buto at kalamnan sa lamig ng gabi dumadarang

Sa aking paghimlay di parin matinag

Ang damdaming kinakapos ng hininga

Para bang isang aninong sumusunod

Pero bakit ang aniniong ito

Kahit sa gabi ay sumusulpot

Kapos man ang liwanag ngunit 

sa akin ay nakapulupot

Ang aninong hindi na yata aalis.

Kasama hanggang sa dulo ng pag tangis.

Nawalan na ng nasa ang katawang bumangon

Nawalan narin ng dahilan para  matulog

Naiwan sa kawalan , nakagapos

Tuwing umuulan sumasabay sa matang umaambon

Lahat ng ito nang ikaw ay tuluyang sumulong.

--------------------------------------------------

BERSO NG TOYO

Ni Hedel A. Cruz

Itim, malapot maitim

Tunay ngang kulay karimarimarim

Tulad ng Gabing 

sa ating Paghinmbing

Itim, Malapot maitim

Buhat sa sisidlang salamin

lumapit kat tumikim

Nakita mo ang sarap sa akin

Mula sa butil na kay bilog

Sa Soyang iyong hinubog

Mula sa butil na kay bilog

Inilabas ang lasap, mahinahon

Sinong magaakala

Sa aking kulay na imburna;

Ikaw ata ay nahibang

Nagalak lumasap lumasap

Mula sa sisidlan ipinatak

sa platitong bilog tumagaktak

lumasa, ang sarap bumulwak

Hindio man sing puti ng suka ni Datu Puti

Linamnam ay di mahahwi

Lagyan mo ng konting kalamansi

tila sitrus ng Langit sumilip

Ibuhos man sa Ginisa,

Gawing sawsawan o pampalasa

Dagdagan mo pa ng konting Paminta.

Itim Malapot maitim

Masaya akong ang iyong Lasa ay pasarapin

--------------------------------------------------

PANTAS

ni HEDEL CRUZ

Isa kang Pantas

Sa akin ay Nagmahika

Mula sa Samyo ng buhay

mundo ay kuminang

Pagdaloy ng Buhay, Kumilos pumiglas

Pagmamahal Bumuhos, bumalikwas

Isa kang Pantas

sa Akin ay Nagmahika

Waring Ang Paligid, Sumaya

Binigyang diin ang mundo at kulay nya

tulad ng kalikasan

Luminis , diwa ay tinakasan

Isa kang Pantas

Sa akin Ay Nagmahika

Daglit tinipon Lungkot at Kaba

Isinilid sa Pagkakataong walang hanggan

Isa Kang Pantas

Sa akin ay Nagmahika

Gamit ang busilak na Mata

tinuro ay Lagusan Papuntang Berbanya

Kahariaan sa dulo ng Adarna

Ikaw ay Nagpinta

Isa Kang Pantas 

Sa Akin Ay Nagmahika

Tulad ni Prinsipe Juan

Ako ay iyong dinala

Sa Kahabaan ng daluyan ng pag-iisa

Tanging ikaw ang nakakita

Isa Kang Pantas

sa Akin Ay Nagmahika

Gamit ang boses, umiral

Hugot na patalim at sundang

Muling binangon ang Patay na

Isa Kang Pantas

Sa akin ay Nagmahika

Buhay sa pagiging Bato ng Adarna

Hinawi ang Gubat

At ang baging na salasalabat

Isa kang Pantas

Sa akin ay Nagmahika

Tunay nga

Nagbigay Buhay

Nagbigay Kulay

--------------------------------------------------

DING DING NI INENG

Ni Hedel A. Cruz

Apat na taling iyong sukbitan

Bubuo sa iyong mundong parisukat

Tanging hiling ikaw ay Humimbing

Sa pagkakatulog ako ang iyong Dingding

Hindi ka hahayaang

Matikman nitong sino man

Sa tuwina ay babantayan.

Sa buong gabi ikay iingatan

Sa Loob ng aking kaibuturan

Sa pagitan ng kalaliman

Ng himbing sa kadiliman

Tulog na, di kita pababayaan

Walang sino man ang lalapit

Sa kutis mong aking iniibig

Di magtatagumpay itong Talipandas

Hindi hahayaang mahagkan

Sa buong Gabi tayo ay Magniniig

Huwag magalala sa aking piling

Dahil ang Katol maya maya mauubos din

Ngunit ako ay iyong Kulambo , 

Ang Dingding mong magiting

--------------------------------------------------

Ang Huling Pag-ikot

Ni Hedel A. Cruz

Naalala mo ba?

Akala ko tapos na.

Nakayapak naglalakad

Tila kay bilis ng pagusad

Ang mga gulong ng tadhana

Dalawang Mundo, Binabahala

Damdamin ay tanggap na

Pagitan ng Mundo, sa Ating Dalawa

Hinabi ng Pagkakataon

Nagsama na parang kay isa

Sa Huling Yugto

Pagitan ng mga Kamay, Lumayo

--------------------------------------------------

KABALINTUNAAN

ni Hedel Cruz

ANG MUNDO AT ANG MGA HAYOP

KAYANG MABUHAY 

KAHIT WALANG TAO.

PERO ANG TAO

HINDI KAYANG MABUHAY

NG WALANG HAYOP AT MUNDO

"KAYA SIGURO MADAMING TAO ANG MAKAMUNDO AT NAGPAPAKAHAYOP"






Credits to Google Images Search Engine. No Copyright Infringement Intended